गजल

गजल राजकुमार कान्छा March 1, 2010, 9:42 pm

---

सताउन सपनीमा कति आउनुहुँछ ?

सामू पर्दा बिपनीमा, कति लजाउनुहुन्छ ?

भन्थें, हजुरबाट अलग्यै कतै टाढा बस्छु,

नजिक्याउन बाध्य, मनमा कति छाउनुहुन्छ ?

हजुरको सामुन्यमा हजार बिन्ती बिसाउँदानी,

जालो फिजाइरन पछि कति धाउनुहुन्छ ?

खुसाउँदा माया, ठुसाउँदा माय, हरे कति माया,

यति धेरै माया ? ममा त्यस्तो के पाउनुहुन्छ ?

मेरो माया पाउन किन मरिहत्ते यति धेरै,

सजाउनुस् सिङ्गै मलाई, मनमा जति सजाउनुहुन्छ ?

लेखकका अन्य रचना पढ्न यहाँ क्लिक गर्नुहोस ।