18 वर्षदेखि निरन्तर
समकालीन साहित्य
समकालीन साहित्य
चाहिँदैन दर्शन तिम्रो, सक्छौ एक गास देउ
झूपडिमै भए हुन्छ आनन्दको बास देउ ।
हातगोडा सम्पत्ति छन्, मृत्तिका हाम्रो देश
श्रम रोपी सुन फलाउँछौँ सक्छौ बाहुपास देउ ।
चाहँदैनन् बमको खेती, शान्तिप्रेमि नेपालीले
न्याय छरी यो भूमीमा चयनको सास देउ ।
दौरा सुरुवाल छोड्यौ, टाई सुटमा हुन्छौ तिमी
सुटबुट माग्दैनौ हामी जीउ ढाक्ने कपास देउ ।
बिर्सिदेउ तितो अतित् ,अझै समय बाँकी छ
भविष्यका सन्ततीलाई सुनौलो इतिहास देउ ।
पाप लाग्छ तिमीलाई, धेरै सिउँदो उजाड्यौ
नछुटाईदेउ जोडि ढुकुर मीठो मधुमास देउ ।
रुँघा – ७, रुकुम,हाल: त्रि. वि. कीर्तिपुर।