गजल

गजल बिजुला थापा February 16, 2010, 10:06 pm

---

खुशी खोज्दै सिद्धिन्छ, रहर रै'छ जीन्दगी

अभावमै बित्छ साँच्ची कहर रै'छ जीन्दगी ।

माथि आशा पिल्पीलाउँछ, तल जीवन मर्छ

बत्ती मुनीको अँध्यारो शहर रै'छ जीन्दगी ।

मान्छे भन्छ, रातपछि त उज्यालो हुन्छ रे

भाष्कर बिनाको बिहानी प्रहर रै'छ जीन्दगी ।

आवरण जति फेरे नी, खै को छ सुखी यहाँ ?

तडपाएरै मार्छ अनौठो जहर रै'छ जीन्दगी ।

जति घुमे फिरे पनि, आखिर उहि सेरोफेरो

एक पछि अर्को सपनाको लहर रै'छ जीन्दगी ।

बाहिर फिस्स हाँसे नी, भित्र छन् छट्पटीहरु

अबिरल बगाउँछन् यी नहर रै'छ जीन्दगी ।

पाला –२, बागलुङ्ग, हाल: त्रि. वि. कीर्तिपुर

लेखकका अन्य रचना पढ्न यहाँ क्लिक गर्नुहोस ।