18 वर्षदेखि निरन्तर
समकालीन साहित्य
समकालीन साहित्य
“जब जब संसारमा पापी र अधर्मिहरुको संख्या बढ्नेछ तब तब तिनीहरुलाई संहार गर्न म बिभिन्न अवतार लिएर आउनेछु ।” भगवानको यो बाणी के पढेको थियो एक्कासी उसको मनमा पनि मुक्तिदाता तथा संहारकर्ता हुने बिचार आयो ।
एक दिन ठूलो शभामा ऊ एक्कासी देखियो र भन्यो – “अन्यायी, अत्याचारीलाई नाश गर्न र तपाईंहरुको दुःख हरण गर्न मेरो जन्म भएको हो ।” भगवानको जस्तै उसको दिब्य वाणी सुनेर गरिब तथा दुःखी जनमानस कतै आफ्नो मुक्तिदाताको जन्म त भएन भन्ठाने ।
“यो मान्छे कसरी हुन सक्छ मुक्तिदाता ?”
“यो त कलियुग हो । भगवानको अवतार लिन सम्भवै छैन । ”
“यो पनि हामी जस्तै मानिस हो ।”
“.............”
केही मानिसहरुले त्यहीं औंलो ठड्याएर त्यसको बिरोध गरे ।
उसले भन्यो– “हेर्नुुस मैले धर्म, दर्शन तथा राजनितिका पुस्तकहरुको खुब् अध्यन गरें । ति मध्ये राजननीतिको पुस्तकले मुक्तिदाता तथा संहारकर्ता हुने छोटो र छिटो बाटो देखायो । म मुक्तिदाता र संहारकर्ता हुँ ।”
आमशभामा कुर्लि–कुर्लि भाषण गर्ने त्यो मानिस एउटा राजनैतिक पार्टीको ठूलो नेता थियो ।