गजल

गजल राज कुमार पुडासैनी January 15, 2010, 7:22 pm

---

न जलाउ भो जल्दै म मरुँ कसरी

मायाको त्यो तापमा म जलुँ कसरी

उज्यालो त छँदै छ चम्किलो त्यो मुहार झन्

तिम्रो रूपको त्यो बयान म गरुँ कसरी

फुत्कनै असम्भव मायाको त्यो जालमा

फसेकै छु पहिल्यै म भनुँ कसरी

मनको त के कुरा तनको त्यो चालढाल

भो गार्हो भो म आफूलाई सम्हालुँ कसरी

मेरा मनमा तरङ्ग तिम्रा ती हाउ भाउ

देखेर तिमीलाई म सोधुँ कसरी

नुवाकोट, हाल: बेल्जियम

लेखकका अन्य रचना पढ्न यहाँ क्लिक गर्नुहोस ।