गजल

गजल आशांक उपाध्याय December 20, 2009, 2:54 am

---

अन्जानमा हजुरको मनलाई दुखाएँ कि

अलिकति मुटुभित्र कुविचार लुकाएँ कि ?

आज्ञाकारी बन्नलाई कोशिस त गरेकै थें

अवज्ञाको पाँजाहरु नजानेरै सुकाएँ कि ?

चिनाजानी राम्रै थियो घनिष्ट नै थियौं हामी

पुर्णिमा र चन्द्र जस्तो नातालाई फुकाएँ कि ?

नदेखेर हुँदै हैन, तर्किएर जानु भयो !

सधैंभरी ठाडो हुने शिरलाई झुकाएँ कि ?

पुर्पुरोको खेल किन नबुझेको 'आशांक' ले

नयाँ दिन नदेखी नै गयो मौका चुकाएँ कि ?

लेखकका अन्य रचना पढ्न यहाँ क्लिक गर्नुहोस ।