गजल

गजल बलदेव भट्टराई December 19, 2009, 11:12 pm

---

धरतीको एउटा कण म कहाँ जून झार्ने कुरा,

गर्दिन म झुटो वाचा प्रिय जालमा पार्ने कुरा !

ओइली जाने फूलहरु तिम्रा केशमा सिउरेर,

जान्दिन म मेरो माया त्यो मनमा सार्ने कुरा ।।

ठूला कुरा के नै गर्नु अजम्बरी होइन म नि,

साथ तिम्रो पाए जीवन बिर्सिदिउँला हार्ने कुरा ।।

अलिकति जूनको चमक,थोरै-थोरै फूलको रंग,

जिन्दगीको चाह मेरो होइन त्यसै टार्ने कुरा ।।

सुन्दरताका मूलहरु मनको कुना-कन्दरामा,

गरी भूल मान्दिन म चेतनालाई मार्ने कुरा ।।

डडेलधुरा, हाल:कोरिया

लेखकका अन्य रचना पढ्न यहाँ क्लिक गर्नुहोस ।