गजल

गजल राज कुमार पुडासैनी December 15, 2009, 8:41 pm

---

न तिम्रो मुटुमा न मनमा अटाएँ

बिना अर्थ तिमीलाई पर्खेर बिताएँ

यो शहर पुरानो बिरानो यो नाता

तिमीले भुलेको सम्झेर बिताएँ

न जीवनमा चैन भो न सुत्नै सकेँ म

हर रात व्यर्थै पर्खेर कटाएँ

न फुक्ने पासोमा फसायौ किन खै

हर पलमा चोटै चोट खाएर म बाँचे

यी सब तमासा माया भो लिलामी

मेरो सब जवानी सुम्पेर लुटाएँ

नुवाकोट, हाल: बेल्जियम

लेखकका अन्य रचना पढ्न यहाँ क्लिक गर्नुहोस ।