गजल

गजल निस्तेज December 10, 2009, 7:47 pm

---

नयाँ छन् बहाना नयाँ चालबाजी

थियौ जनहितैषी बन्यौ घोर नाजी

जहाजै पुरानो सडेको छ भित्ता

र आँधी ठुलो के गरोस् खै जहाजी

ग¥यौ बास दरबारकै छेउमा गै

थियौ नि म जस्तै बन्यौ आज काजी

महङ्गो रासन र टि.भी. छ सस्तो

त्यसै भित्र हेर्छु अचेल सागभाजी

भयो के र मैले दिएँ साथ तिम्रो

सभामा बसाल्यौ अझै हेर पाजी

यही भा’छ शङ्का तिमी जाली हौ कि

नयाँ दीप बाल्थे हुँदैनौ नि राजी

बैतडी

लेखकका अन्य रचना पढ्न यहाँ क्लिक गर्नुहोस ।