गजल

गजल कृष्ण थापा November 20, 2009, 12:50 am

---

अस्थिरता अराजकता, धेरै बेर नबुझिने

हाँडीगाउँको मेला होकि, खै बुझेर नबुझिने

नौटंकी छ सडकमा, रमिते पो भयौं हामी

तिमी उस्तै,उस्तै छु म, हेराहेर नबुझिने

देशको भाग्य लेख्छु भन्दै, धेरै आए धेरै गए

खै के के लेखे कुन्नि , केरमेर नबुझिने

धेरै पछि संदेश आयो, सबै शुभसंदेश भन्थे

कति सारो धमिलो हँ, यो अक्षर नबुझिने

उज्यालोका बाटोहरु, अरु नै थे' कृष्णपक्ष !

किन बाल्छ्स तँ अगुल्टो, यहिंनेर नबुझिने ।

लेखकका अन्य रचना पढ्न यहाँ क्लिक गर्नुहोस ।