मैले उमारेको पानीको थोपा

कविता राजन कार्की November 13, 2009, 6:04 pm

---

एक हुल बिम्बहरु

तँ छाड् म छाड् भन्दै

जब

क्यान्भास् माझ

पहिले म

पहिले म

भन्दा

जिल्ल परेको रङकर्मी जस्तै

म

भर्खर फुकेको भुङ्रोमा.....

कस्तो भोजन पकाँउ?

जुनदिन यो भोजनको भोक,

म,

तिमी,

तँ

पानीको थोपालाई थाहा दिन सफल हुन्छौं

तिनीहरु आँफै

रङ भर्नेछन्

जनजनका पोल्टोमा फेरी नयाँ भोक राख्नेछन्,

अनि म तिमीतिर

फर्केर

बिजेताले जस्तो हाँस्नेछु

अनी सोध्ने छु

मैले

उमारेको पानीको थोपाले सिँचेको

तिम्रो आँगनिले

बाह्रमासे फूल फुलाए ?

लेखकका अन्य रचना पढ्न यहाँ क्लिक गर्नुहोस ।