18 वर्षदेखि निरन्तर
समकालीन साहित्य
समकालीन साहित्य
धेरै युद्ध भए यहाँ पार तर्न सकिएन
यो देशको अभावमा भाव भर्न सकिएन ।
यो देशलाई धेरै माथि उठाउने मन थियो
सकुनीको छल सधै, पासा हर्न सकिएन ।
आतङ्कले पन्जा फिजाई ऐया आत्थु गराउँदा
रगत बग्ने घाउ माथि मलहम छर्न सकिएन ।
धेरै रगत दान भयो आफन्तलाई बचाउन
देशको लागि एक थोपा दान गर्न सकिएन ।
लाग्छ सारा जीवन अब देशकै लागि अर्पण गरुँ
तर सहिद हुने गरी अघि सर्न सकिएन ।