18 वर्षदेखि निरन्तर
समकालीन साहित्य
समकालीन साहित्य
मेरो साथामा जव तिम्रो सम्मोहनी साथ हुन्छ ।
औंशीको अध्याँरो नी' पूणिर्माको रात हुन्छ ।
नवोलेरै सोधें मैले, मौनता मै जवाफ दियौ,
कस्लाइ के था' तिमी म मा नजरबाटै वात हुन्छ ।
छिमेकीको चियो चर्चा सामाजको वन्धनलाई छाड,
प्रेमीको न कुनै धर्म, न त कुनै जात हुन्छ ।
अर्ध-मुर्छित, अर्ध-चेतन, वेहोश नै छु शनै: शनै,
उनको समिप्यमा यो कस्तो गजव मात हुन्छ ।
यौटै मात्र आशा लीइ वाचेँको छ यो प्रेमी ‘दिलीप’,
एक दिन त मेरो हातमा जरुर तिम्रो हात हुन्छ ।