गीत

गीत दीपक कथित November 1, 2009, 1:02 am

---

तिमी भन्थ्यौ जिन्दगीमा, हाम्रो साथ नछुटोस् है

यात्राभरि जोडिएका, हाम्रा हात नछुटोस् है ।

पानीभित्र बसी आफै, न्यानो खोज्न सक्दिनँ म

दुःखै प्यारो लाग्छ मलाई, सुख रोज्न सक्दिनँ म ।

किन चाहियो घाम नै आज, मात्र जून पाए पुग्छ

यस्तो लाग्छ आजभोलि, एक्लै रुन पाए पुग्छ ।

भन्दिनँ म सम्झनाको, कुनै रात नछुटोस् है

यात्राभरि जोडिएका, हाम्रा हात नछुटोस् है ।

सधैँभरि जिन्दगीमा, सँगै हुन सकिँदैन

सबैसँग आफ्नो मन, खोली रुन सकिँदैन ।

सँगै हिँडौँ त्यहीँसम्म, जहाँसम्म सँगै हुन्छौँ

साथै हुँदा न त हाँसौँ, विछोडमा न त रून्छौँ ।

तर पनि किन भन्यौ, हाम्रो साथ नछुटोस् है

यात्राभरि जोडिएका, हाम्रा हात नछुटोस् है ।

लेखकका अन्य रचना पढ्न यहाँ क्लिक गर्नुहोस ।