गजल

गजल गोपी कृष्ण काफ्ले October 15, 2009, 6:51 pm

---

चरी भई उड्न सके तिहारमा आउँथे होला

सेल रोटी कटुस ओखर मैले खान पाउँथे होला

धेरै बर्ष भई सकेछ दिदी बहिनी नभेटेको

यसपाली त भाई टीका मैले पनि लाउथे होला

झिलीमिली रातभरी मादलुको तालमा

संगी साथीसँग मिली देउसी भैलो गाउथें होला

सयपत्री र मखमलीको माला सजाई छातीभरी

अजम्बरी जीवनको आशिष पनि पाउँथे होला

लेखकका अन्य रचना पढ्न यहाँ क्लिक गर्नुहोस ।