गजल

गजल बिलासी पागल September 14, 2009, 12:27 am

---

तिमीलाई नै कल्पी आज रातैभरी जाग्दैछु म

ताराहरु खस्दा तिम्रै लागि खुशीहरु माग्दैछु म

दुनियाँसँग त बिरानो नै थिए तिमीलाई नि गुमाउदा

बिना गन्तब्य नै जिन्दगीलाई एकोहोरो हाक्दैछु म

तिमीबाट जति नै पिडाहरु पाए पनि यो जिन्दगीमा

तिमीलाई खुशी मिलोस भन्दै देवीदेवता भाक्दैछु म

चोटहरुले अति गाह्रो हुँदा गजलमा बहहरु पोखिएनी

सकेसम्म दुनियाँसामू आफ्नो हृदयलाई ढाक्दैछु म

देखाउन नसक्दा तिमीले दिएका घाऊहरु कतै पनि

खाटा नै नबसेर अहिलेसम्म भित्रभित्रै पाक्दैछु म

सबैले अनमोल भन्ने चोला मेरो लागि भिन्न हुँदा

दुनियाँले थुक्ने थाहा हुँदाहुँदै आज यो बाटो लाग्दैछु म

'हार्नू-मर्नू'भनी तिमीले हालेका ती सारा सरापहरु

खेर कतै नजाउन भनी आँफैले काललाई डाक्दैछु म

लेखकका अन्य रचना पढ्न यहाँ क्लिक गर्नुहोस ।