गीत

गीत बलदेव भट्टराई September 1, 2009, 7:42 pm

---

रुप तिम्रो चाँदनीझैं हेरिरहूँ जस्तो लाग्छ

ओठ तिम्रा गुलाबी ती चुमिरहूँ जस्तो लाग्छ

कम्मर भा'को बारुली त्यो सून्दर खम्बामा

वशन्तको लता जस्तै झुलिरहूँ जस्तो लाग्छ

फुली नाकको चमक दिने हेरि-हेरी कन

मोहिनी त्यो चक्षु तालमा पौडीरहूँ जस्तो लाग्छ

छेउ तिम्रो पुगिकन असिन-पसिन बन्दा

छाँयामुनि ज्यानको लौ बसिरहूँ जस्तो लाग्छ

डाँडा-बेसी, खोँचतिर नजरको तीर लाग्दा

सौम्य त्यो हिमशैलमा खेलिरहूँ जस्तो लाग्छ

उफ्रि-उफ्री हरिनझैं खेल्दा थाके पछि पनि

डाँडामुनि चौतारीमै बसिरहूँ जस्तो लाग्छ

डडेलधुरा

हाल: कोरिया

लेखकका अन्य रचना पढ्न यहाँ क्लिक गर्नुहोस ।