गजल

गजल कपिल अन्जान June 14, 2009, 10:55 am

---

अब के छ त हुकुम महारानी?

उस्तै छ रोल्पा र रुकुम महारानी

मानव भएर खाएँ थालमै चुठायौ

कसरी म त्यही थुकुम् महारानी

हुन त वीर नेपालीको छोरो म

को कस्को अगाडी झुकुम् महारानी

वास्तविकता सब छर्लङ्ग भएपछि

पर्दा पछाडि किन लुकुम् महारानी

छानो सल्काएर हास्छन् मान्छेहरु

कसरी जलेर म दुखुम् महारानी

कुकुर भन्यौ ठिक छ बफादार भएँ

दैलोमा कतिन्जेल ढुकुम् महारानी

लेखकका अन्य रचना पढ्न यहाँ क्लिक गर्नुहोस ।