गजल

गजल यात्री शेखर May 3, 2009, 3:51 am

---

अँधेरीमा जुनका कुरा नगरेकै जाती हुन्छ ।

बेहोसीमा उनका कुरा नगरेकै जाती हुन्छ ।

मधुर त्यो बोली संग संगितको ताल मिल्दा

विरक्तिमा धुनका कुरा नगरेकै जाती हुन्छ ।

गुलीया छन् शब्दहरु त्यो भन्दानी भाका मीठा

मिठाईमा नुनका कुरा नगरेकै जाती हुन्छ ।

हीरामोती महलको सुखी होला जीवनशैली

गरीबलाई सुनका कुरा नगरेकै जाती हुन्छ ।

के दिनु र अब बाँकी मागेजती दिएकै हो

बैगुनीलाई गुनका कुरा नगरेकै जाती हुन्छ ।

टकुवा - ७ मोरङ

लेखकका अन्य रचना पढ्न यहाँ क्लिक गर्नुहोस ।