गीत

- पशुपति पराजुली सालघारी

मायाँ गरेर के भो मायाँको अर्थ छैन
एकतर्फी मायाँ गर्दा दिलमा भएन चैन ।

जसलाई गरियो मायाँ उसले छोडी सकिछ
जीवन भरिको मायाँ आफैँ तोडी सकिछ ।

भन्नै सकिन उसको कस्तो रहेछ मायाँ
बुझनै सकिन उसको सस्तो रहेछ मायाँ ।

मायाँ मा शक्ति हुन्छ मायाँ मा भक्ति हुन्छ
साँचो गरे पो मायाँ सबलाई मस्ती हुन्छ ।

मैले गरेको मायाँ सांचै गरेझैं लाग्छ
उसैलाई सांछी राखी आफू मरेझैँ लग्छ ।

थाहा हुनै सकेन किन छुटेछ मायाँ
बुझनै पनि सकिन कस्ले लुटेछ मायाँ ।

निष्ठूरी रैछ मायाँ थाहा भएन पैले
लुकाई आंसूहरू हाँस्नु परेछ ऐले ।

सम्झनु पर्छ मन्मा मायाँ को यो कथा हो
फुटेपछि नजुट्ने सबै को यो बेथा हो ।

भोजपुर, अरुण गाउँ पालिका वडा नम्बर ४ चरम्बी
हाल :कनेक्टिकट USA

प्रकाशित मिति : प्रकाशन मिति : वुधबार, 15 पौष, 2077

लेखकका अन्य रचनाहरु