गजल

- अङ्कुर चन्द

आफू जिती सारा हार्दा, उत्सव के बनाउँछौ ।
रुवाएर बुवा आमा, मतलब के बनाउँछौ ।।

उधारेर गाउँ बस्ती, भत्काएर छानाहरु,
याे भन्दा पनी अझै, गजब के बनाउँछौ ।।

लखेटेर हातहरू, माटो भर्न खाडीतिर,
लौरो टेकी टेकी यता, अरब के बनाउँछौ ।।

रगत पसिना बगाउने, माहौल दिनुस् महाशय,
चिस्याएर मनहरुलाई, बरफ के बनाउँछौ ।।

धमिराले झै याे देश, खोक्रो बनाई सक्यौ बरै,
विश्वास के गरु मुलुक, अब के बनाउँछौ ।।

कञ्चनपुर

प्रकाशित मिति : प्रकाशन मिति : वुधबार, 15 पौष, 2077

लेखकका अन्य रचनाहरु