गजल

- किशन पौडेल

सत्तामा छन् नदिका दुई धार र किनारहरु
देशले खोजिरहेछ यहाँ समान विचारहरु ।

आफ्नै स्वार्थमा फुट्छ्न अनि जोडिन्छ्न,
शासन सत्तामा पुग्छन् तिनै अनुहारहरु ।

देश दुखिरहेछ जनताहरु आक्रान्तछन्
जोड घटाउ गर्न व्यस्तछन सरकारहरु ।

आलो नै छ दुखेका घाउहरु दुरदराजमा
परदेशिएका छन धेरै अभागी निधारहरु ।

उस्तै देखिन्छ अझै परम्पराको निरंकुशता
राजाहरुले भरिएका छन झनै दरवारहरु ।

हेटौंडा

प्रकाशित मिति : प्रकाशन मिति : आईतबार, 23 कार्तिक, 2077

लेखकका अन्य रचनाहरु