रैथाने

- गायत्री भट्टराई

मेरा बाजे बराजुका
रगत र पसिनामा
भिजेको
यहाँको माटोमा
मेरा शैशवले
त्यही सुगन्धबाट लय भर्छ
जीवनको ।

तिमीले मान या त नमान
यसरिनै बदलिन्छ
भूगोल

थान।

गुनासो छैन

मेरा
नाति पनातिको बाजे
बराजु बन्दा
इतिहासले
मलाई प्रवजित भनोस
या
आप्रवासी ।

छुँट्टिदा छुँट्टिदै
जाति
वंश
कुल घराणा
रोज्दा रोज्दै
तिमी
जब
एक्लो हुँन्छौ
मलाई खोज्नु-

तिम्रो भै दिन्छु
भै सहन्छु ।

ओदालगुडी,असम

प्रकाशित मिति : प्रकाशन मिति : आईतबार, 9 कार्तिक, 2077

लेखकका अन्य रचनाहरु