गजल

- बिक्रम याक्खा

धेरै थिए चाहनाहरु त बिचैमा टुटे
बेला छउन्जेल कुम्भकर्ण जस्तो सुते

खै के जान्या छन् टुनामुना तेस्तो कुनि
भेडा र हनुमान बनाई दिमाग् सबै भुटे

सिंगापुर र स्विजरल्याण्ड बनाउने भन्थे
आश्वासनका ती नाराहरु कता पो छुटे

जदौ भन्दै जयजयकार गर्ने भक्तहरुलाई
हावादारी नानाओली गफ मज्जाले चुटे

दु:ख पाईस् मंगले आफ्नै ढंगले भने झै
आँखैसामु देश भ्रष्टहरुले निर्लजभैई लुटे

पाँच खपन -६ संखुवाशभा ।

प्रकाशित मिति : प्रकाशन मिति : मगलबार, 2 भाद्र, 2077

लेखकका अन्य रचनाहरु