गीत

- सुरेन उप्रेती

तिमीलाई कसैले सोध्यो भने
शान्ति खोज्ज गएको छ भनि दिनु

झुपडीमा जाडो पिँउदै बस्ने
नाङगा नानीहरु सँग
न्यानो बाँड्न गएको छ भनी दिनु

तिमीलाई कसैले सोध्यो भने
शान्ति खोज्ज गएको छ भनि दिनु

खडेरी लागेका गाँउमा
अनिकाल परेका बस्तीमा
बेशाहा भएर पसेकोछ भनिदिनु

तिमीलाई कसैले सोध्यो भने
शान्ति खोज्ज गएको छ भनि दिनु

महामारी फैलिएका झूप्राहरुमा
हाहाकार फैलिएका बुकुराहरुमा
संजिवनी लिएर पसेको छ भनिदिनु

तिमीलाई कसैले सोध्यो भने
शान्ति खोज्ज गएको छ भनि दिनु

अँध्यारो भरिएको बस्तीमा
रात पोखिएको अँध्यारोमा
शिक्षा दिपशिखा भएर छिरेकोछ भनिदिनु

प्रकाशित मिति : प्रकाशन मिति : आईतबार, 32 जेठ, 2077

लेखकका अन्य रचनाहरु