गीत

- राकेश कार्की

दु:ख्दा आँसुमा फुलिदिने
कमल हौ तिमी
भावना बनि बोलिदिने
गजल हौ तिमी

दु:ख्दा आँसुमा फुलिदिने
कमल हौ तिमी

पीर हर्ष दुबै नै रहेछ जीवन
जहिले भरोसा तिम्रो मुस्कान
मरूभूमिमा बगिदिने
तरल हौ तिमी
भावना बनि बोलिदिने
गजल हौ तिमी

दु:ख्दा आँसुमा फुलिदिने
कमल हौ तिमी

माया नै यस्तो हो लागिरहन्छ
जति खुसी तिम्रो मागिरहन्छ
मनको कुरा बुझिदिने
सरल हौ तिमी
भावना बनि बोलिदिने
गजल हौ तिमी

दु:ख्दा आँसुमा फुलिदिने
कमल हौ तिमी
भावना बनि बोलिदिने
गजल हौ तिमी

लस एन्जेलस

प्रकाशित मिति : प्रकाशन मिति : शनिवार, 26 पौष, 2076

लेखकका अन्य रचनाहरु