गजल

- सन्ताेष लुइटेल किंशुका

पिरतीकाे मानु पुग्याे भराैँ आँट गरी सानु
दुनियाँका आँखा लाग्छन् हिँडाैँ खोला तरी सानु । १ ।

जूनसँग रात् नभए जूनकाे के नै अर्थ हुन्छ
ईर्ष्या सही बस्नु भन्दा जाऔँ बसाइँ सरी सानु । २ ।

वनपाखा मेलापात पिरतीका गीत गाई
रमाइला पल बिताइयाे कत्ति बेँसी झरी सानु ।३।

आजभाेलि किन कुन्नि सारै गारो मन थाम्न
छाेडी मलाई तिमीतिरै उड्छ मनकाे चरी सानु ।४।

भन्दै छन् रे बाआमाले तिम्रो लगनगाँठो कस्न
मेराे साच्ने ठाउँ छैन तिमीदेखि परि सानु ।५।

तिमीसँग छुट्टिएर सक्दिनँ म बाँच्न एकपल
'सन्ताेष' भई हिँड्छु बरू जाेगीकाे भेष धरी सानु ।६।

प्रकाशित मिति : प्रकाशन मिति : शनिवार, 26 पौष, 2076

लेखकका अन्य रचनाहरु