ज्वालामुखी

- देबेन्द्र बस्याल

हामी माउण्ट फुजी हौं
अटल रहिरहन्छौं
हामी लावा हौं
सधैं जलीरहन्छौं

फुजी एकदिन पुत्ताउने छ
धुँवाको मुस्लो आकासमा मडारीनेछ
लावा सर्वत्र फैलीने छ
लावासंगै झारपातहरु जलिरहनेछन

उनीहरुको रोधन र क्रनधन
छट्पटी र चित्कार
धुवासंगै बिलाउने छ
फुजी उनीहरुलाई हेरेर मुस्कुराउने छ

फुजी लावाको मुहान हो चड्न नखोज
त्यहाँ बरफ देखेर खेल्न नखोज
फुजी कुनै दिन पुत्ताउदै गर्जीन सक्छ
धुँवाको मुस्लोसंगै लावा ओकल्न सक्छ

जापान

प्रकाशित मिति : प्रकाशन मिति : आईतबार, 5 श्रावण, 2076

लेखकका अन्य रचनाहरु