गजल

- भाष्कर काजी

आमाको गर्भमा, धर्तिमा अनि चितामा
यसरी सिद्धिन्छ जीवन एउटा सिमामा ।

मन फेरिनसक्छ, प्रेमिका फेरिन सक्छे
यादहरु सँधैलाई छोडिन्छन बिस्तरामा ।

वर्षौँ भयो, छोरो गाउँबाट हराएको पनि
विश्वास छ एकदिन भेटिनेछ सिमामा ।

ढुङ्गालाई पनि भगवान बनाईदिनसक्छ
बुझ्नुस यस्तो हुन्छ शक्ति यो पैसामा ।

राम्ररी पढ्नुस चाउरिएका अनुहारहरु
जिउँदा ईतिहास हुन यी हाम्रा बा-आमा।

नाम मात्र फरक हो काम त त्यही हो
तात्विक अन्तर छैन जुम्रा र लिखामा ।

रुँघा ७, रुकुम

प्रकाशित मिति : प्रकाशन मिति : वुधबार, 27 चैत्र, 2075

लेखकका अन्य रचनाहरु