गजल

- मुक्ति गाैतम

तारासँगै आकासमा आमा देखें
भोकका हरेक गासमा आमा देखें ।

अब छैनन् तेरी आमा भन्थे अरुहरु
यतै चल्ने बतासमा आमा देखें ।

लखेटिरह्यो डरले बाटोभरि पुरै
त्यो भयंकर शन्त्रासमा आमा देखें ।

अँध्यारो थियो निष्पट अन्धकार
उँज्यालो हेर्ने आसमा आमा देखें ।

बाँचेको छु म उनकै मायामा
जीवन चल्ने श्वासमा आमा देखें ।

क्यानडा

प्रकाशित मिति : प्रकाशन मिति : मगलबार, 15 माघ, 2075

लेखकका अन्य रचनाहरु