गजल

- प्रा.डा.गंगाप्रसाद अधिकारी

तिमीलाई साथी चुनें हुँ कसोरी ?
तिमीसाथ सपना बुनें हुँ कसोरी ?

पढेको बुझेको तिमी ज्ञानगंगा
भनी भित्र मन्मन् गुनें हुँ कसोरी ?

त्यसै छोडी जाँदा दुख्यो चित्त मेरो
डिलैभित्र आँसु थुनें हुँ कसोरी ?

ति बैरीहरूका अहोरात्र ताना
मुटुमै पचाई सुनें हुँ कसोरी ?

सबै सृष्टि थाम्ने म हुँ त्यो धरित्री
सम्हालेर यो मन् तुनें हुँ कसोरी ?

त्यसै छोडी जाने तिमी हौ निठूरी
अहो ! प्रेममाला उनें हुँ कसोरी ?

सफा पारी त्यो मन् तिमी फर्कि आयौ
यता फेरि यो मन् धुने हुँ कसोरी ?

प्रकाशित मिति : प्रकाशन मिति : बिहीबार, 13 मङ्गसीर, 2075

लेखकका अन्य रचनाहरु