गजल

- रामशरण गैरे

निर्धा गरीबहरूलाई त जेल रहेछ जिन्दगी ।
पल पल बग्ने आँसुको भेल रहेछ जिन्दगी ।

सोझा,निमुखालाई मात्र लाग्ने रैछ कानुन,
हुने खाने लाई त एउटा खेल रहेछ जिन्दगी।।

वसमा छैन हासो खुशी अाफ्नै जिन्दगीमा
कैावालाइ पाकेको बेल रहेछ जिन्दगी ।

दौडिँदै छु रातदिन के भेटन हो थाहा छैन
पछुताउनै पर्ने छुटेको रेल रहेछ जिन्दगी ।

माथी पुग्छन मौकामा चौका हान्न सक्नेहरू,
बुझ्न नसकिने दैवको खेल रहेछ जिन्दगी ।
भरतपुर-१९

प्रकाशित मिति : प्रकाशन मिति : बिहीबार, 13 मङ्गसीर, 2075

लेखकका अन्य रचनाहरु