गजल

- भाष्कर काजी

मान्छेले मान्छे खाको देखिनेछ
एकदिन यसरी दुनियाँ सकिनेछ ।


भ्रष्टाचार निरुद्ध बोल्दै नबोल
तिम्लाई आतंककारी भनिनेछ ।

अगाडि, सुन्दर फूल राखिदिनुस
सन्यासिको पनि मन बहकिनेछ ।

पहिले आँखामा राखिन्थ्यो अरे !
प्रेम, अब हत्केलामा राखिनेछ ।

प्रबिधी यति अगाडी बढिसक्यो
बच्चा इन्टरनेटबाट जन्माइनेछ ।

यत्ती नै हुनेछ बाँच्ने बिकल्प तब
अक्सिजनको सिलिन्डर बोकिनेछ ।

रुँघा-७, रुकुम

प्रकाशित मिति : प्रकाशन मिति : सोमबार, 19 कार्तिक, 2075

लेखकका अन्य रचनाहरु