गीत

- सविता भट्टराई

तीजकी चेली नौ डाँडा पारि आमाको मन धर्कियो
लिन र जाँदा भदौरे भेल देखेर छाती चर्कियो ।।

वर्षदिनमा आउँछ रमाइलो तीज दिदी बैनी भेटाउन
साथीसङ्गी, दिदी र बैनी मनको पीर मेटाउन ।।

दुईदिन घरको कामलाई छाडी चेलीको मन हँसाउन
बाबा र आमा दाजु र भाइ भेटेर खुशी मनाउन ।।

कसरी तर्ने भदौको भेल नदीमा छैन पुल बरिलै
नेपाली चेली दु:खमा पर्दा सुके हुन्थ्यो मूल बरिलै ।।

न घर बस्नु न जानु माइत चेलीको मन रुन्छ बरिलै
नेपाली चेलीको यो दु:ख देख्दा कसको मन छुन्छ बरिलै ।।


व्यास नगरपालिका, तनहूँ
हाल-- काठमाडौं ।

प्रकाशित मिति : प्रकाशन मिति : सोमबार, 4 भाद्र, 2075

लेखकका अन्य रचनाहरु