गजल

- भाष्कर काजी

जसरी रातपछि बिहान आउँछ
हरेक युगमा एउटा महान आउँछ ।

मलाई यो बाटो हिँड्न डर लागिरहन्छ
बाटैमा मेरो बाबाको चिहान आउँछ ।

तिम्ले बिदेशमा धेरै कमाएछौ भने
धनको कुरा छोड सग्लो ज्यान आउँछ ।

गहिरो घाउ दिएर जान्छ छोडी जानेले
घाउ निको भए पनि निशान आउँछ ।

पैसा कमाई हुन्छ मात्रै भनिदिनुस न
बालिमा बिषादी छर्केर किसान आउँछ ।

सरकार ! हात पसार हाम्रो कर खर्चेर
नेताहरुलाई पुग्नेगरी दान आउँछ ।

रुँघा -७, रुकुम

प्रकाशित मिति : प्रकाशन मिति : शुक्रबार, 4 जेठ, 2075

लेखकका अन्य रचनाहरु