गीत

- विमल गिरी

मानो रोपेर मुरी फलाउने उन्युघारी वरपर
चेरी फुल्दा परदेशमा सम्झन्छु म गाउँ घर

वगिरहन्थ्यो अरुण तल आफ्नै भाका हाली
उडिरहन्थे कालिजहरु हाँगाबिंगा डालिडाली
समाउदै घाँसको भारी हिड्थ्यौ गाउँ परपर
चेरी फुल्दा परदेशमा सम्झन्छु म गाउँ घर

खोंच भन्ज्यांग अग्ला पहाड टारीखेत सम्म
इन्द्रेणी झै लाग्ने रंगीन फूल फुल्थे लटरम्म
गुराँस फुल्ने भिरपाखामा हावा चल्थ्यो सरर
चेरी फुल्दा परदेशमा सम्झन्छु म गाउँ घर

चारपाने, झापा ।
हाल: बेल्जियम,ब्रसेल्स ।

प्रकाशित मिति : प्रकाशन मिति : सोमबार, 14 फागुन, 2074

लेखकका अन्य रचनाहरु