स्थित प्रज्ञा

- पेशल आचार्य

ईशान दिशाको
उष्ण पवन
शनैः शनैः फैलिरहेछ
प्राचीको
कुनै अनकण्टार गुफामा
दुःखका सिम्फोनीहरू
बजिरहेछन्
कविताको नाद्
पृथुतम् पृथ्वीमा
हिजो थियो
संगीतको झन्कार
सौष्ठव संसारमा
आज छ
ब्रह्माण्ड हल्लीरहे कोक्रा झैँ
भोलि रहने छ,
संसार रहे त हुने हुन्
सबैसबै
नाटकहरू
मल्लयुद्धहरू
भेडाबाख्रा खेदे झैँ
बलियाले दुब्लालाई
यो शासनको
मालदाम्लो
संकटापन्न स्थितिमा
मलिन
क्लान्त र झुरिएको छ ।

टीकाथली–४, ललितपुर
हालः मन्थली उमावि, मन्थली

प्रकाशित मिति : प्रकाशन मिति : बिहीबार, 2 भाद्र, 2073

लेखकका अन्य रचनाहरु