मेरो जीवनको इन्द्रेणी

- बैद्यनाथ उपाध्याय

मनभित्र खेलिरहेकाछन
अनेकौं इच्छाका रंगहरू

पीडा बर्सिएर
छताछुल्ल
कल्पनाको आंगनबाट
म हेरिरहेछु
मेरो जीवनको रंग इन्द्रेणी

जीवनबाट
उडिसकेका यौवनका
नानाथरि रंगहरू
कहिल्यै वास्तवायित
हुन नपाएका
मेरा कयौं अभिलाषाहरू

सबै मिसिएका छन
रंग विरंग
इन्द्रेणीको रंगमा !

प्रकाशित मिति : प्रकाशन मिति : बिहीबार, 20 जेठ, 2073

लेखकका अन्य रचनाहरु