गजल

- तुलाधर विश्वकर्मा

एकतामा फुट ल्याउने वाह ! राजनीति ।
सत्यतामा झुट ल्याउने वाह ! क्या राजनीति ।।

नेपाली भई मिली हामी बसेकै हो हिजोसम्म,
मधेश–पहाड गुट ल्याउने वाह ! क्या राजनीति ।।

हेपिएका चेपिएका सबै जन समान भा’नि,
उनैबीच फुट ल्याउने वाह ! क्या राजनीति ।।

अधिकारको बहानामा जे अपराध गरेपनि,
सजायमा छुट ल्याउने वाह ! क्या राजनीति ।।

नङग्रा ख्याई मौरी कार्न गएकै हो ‘तुलाधर’ नि
मह लुकाई कुट ल्याउने वाह ! क्या राजनीति ।।

– खजुरा खुर्द १ (बाँके) नेपालगन्ज

प्रकाशित मिति : प्रकाशन मिति : शुक्रबार, 5 चैत्र, 2072

लेखकका अन्य रचनाहरु