गीत

- राजु “हिमांशु”

केटा – सिरिरि हावा चल्दा उड़ी मेरो ओठ चूम्ने
तिम्रो त्यो पछ्यौरी सम्झी सम्झी
लगलगे जाड़ोमा गएँ म त चढ़ी परदेश छकछके रेलैमा
थाहा नभई खोपिएछ तिम्रो माया गहिरो यो दिलैमा
केटी - मनभरि माया धेरै बोकी मेरो दु:ख हर्ने
तिम्रो त्यो बानी सम्झी सम्झी
लगलगे जाड़ोमा रोएँ म त देखी तिमीलाई छकछके रेलैमा
थाहा नभई खोपिएछ तिम्रो माया गहिरो यो दिलैमा

केटी - भन्नेहरु भन्छन् परदेशीको विश्वास नगर्नू
एकैछिनको भेटमा मक्ख परी माया नलाउनू
केटा - भन्नेहरूलाई भनिदिनू प्रिये शङ्काको आगो बाल्नु हुँदैन
माया लाउने अमर जोड़ीलाई कसैले पनि रोक्नु हुँदैन
मनभरि विश्वास फुले माया त्यसै मौलिन्छ
मनभरि माया बोक्ने मायालुलाई किन यसरी तौलिन्छ?

केटी - भन्नेहरू भन्छन् परदेशीलाई भूलिदिनू
एकबारको जीवनमा उदास बनी नबॉचिदिनू
केटा - भन्नेहरूलाई भनिदिनू प्रिये मायाको अर्थ बुझ्छ यो परदेशी
छातीभित्र ढुङ्गा बोक्ने निठुरी होइन यो परदेशी
मनभरि विश्वास फुले माया त्यसै मौलिन्छ
मनभरि माया बोक्ने मायालुलाई किन यसरी तौलिन्छ?

केटा – सिरिरि हावा चल्दा उड़ी मेरो ओठ चूम्ने
तिम्रो त्यो पछ्यौरी सम्झी सम्झी
लगलगे जाड़ोमा गएँ म त चढ़ी परदेश छकछके रेलैमा
थाहा नभई खोपिएछ तिम्रो माया गहिरो यो दिलैमा

केटी - मनभरि माया धेरै बोकी मेरो दु:ख हर्ने
तिम्रो त्यो बानी सम्झी सम्झी
लगलगे जाड़ोमा रोएँ म त देखी तिमीलाई छकछके रेलैमा
थाहा नभई खोपिएछ तिम्रो माया गहिरो यो दिलैमा

डाउहिल

प्रकाशित मिति : प्रकाशन मिति : वुधबार, 5 फागुन, 2072

लेखकका अन्य रचनाहरु