गीत

- प्रमोद अमात्य

तिमी बिना ज़िन्दगी यो, जिउन साह्रो भो
जीवनका पाइलाहरू अब, चाल्न गाह्रो भो

तिमी हुँदा मन भरी, उमंग र उल्लास
जीवनका पलपलमा, आनन्दको आभास
तिमी थियौ मेरा लागि, गुराँस र सुवास
ज़िन्दगीमा जताततै, बसन्त र बहार

तिमी गयौ ज़िन्दगी भो, उजाड र उदास
छाएकोछ जताततै, अध्यारो र निरास
उराठ लाग्दो दिन अब, बिताउँ कसरी
कहाली लाग्दो रात अब, कटाउँ कसरी

तिमी बिना ज़िन्दगी यो, जिउन साह्रो भो
जीवनका पाइलाहरू अब, चाल्न गाह्रो भो

क्यालिफोर्नीया

प्रकाशित मिति : प्रकाशन मिति : शुक्रबार, 15 माघ, 2072

लेखकका अन्य रचनाहरु