गीत

- अोम राना

भाग्य कहाँ लेखा छ र,निधारमा कि हातमा
मरे पछी रित्तो जानु,लानु छैन साथमा

धनी गरीब सबै एकै,बाचौ सरोबरी
छैन यहाँ कसैको,जूनी अजम्बरी
फेरी किन तड्पाउछन,मान्छे आफ्नो आत्मा
मरे पछी रित्तो जानु,लानु छैन साथमा

कतिखेर पोखिने हो,कर्कलाको पानी
ओल्लो छेउ पल्लो छेउ,ढलपल जिन्दगानी
अडिएछ जीवन हाम्रो,पानी जस्तै पातमा
मरे पछी रित्तो जानु,लानु छैन साथमा

चाप्पानी-८ पाल्पा, हाल: दक्षिण कोरिया

प्रकाशित मिति : प्रकाशन मिति : बिहीबार, 23 पौष, 2072

लेखकका अन्य रचनाहरु