गीत

- सुरेन्द्र महर्जन अमर

माया लाग्छ मलाई आफू जन्मेको देश नेपाल
म रहूँ न रहूँ बाँची रहोस् सँधैभरि देश नेपाल ।

दुई दिनको जिन्दगानी बिताउँ सँधैभरी हाँसेर
म चाहन्छु बाँच्न सबै सँग मायाप्रीति गाँसेर
सबेरै सूर्य उदाँएको अनि हाँसेको होस हिमाल
म रहूँ न रहूँ बाँची रहोस् सँधैभरि देश नेपाल ।

चन्द्र तारा चम्कि रहोस् नेपाली जनता भएर
समय र नदी जस्तो अघि बढोस् एक भएर,
बाचूँन्जेल देख्न पाउँ हाँसेको सुन्दर नेपाल
म रहूँ न रहूँ बाँची रहोस् सँधैभरी देश नेपाल ।

प्रकाशित मिति : प्रकाशन मिति : सोमबार, 14 भाद्र, 2072

लेखकका अन्य रचनाहरु