गीत

- सुरेन्द्र महर्जन अमर

यो मुस्कान सँधैभरी रही रहोस जीवनमा
दु:खले छुन नपाउन रहेसम्म संसारमा ।

खुशी तिम्रो आफ्नो बनी सँधै साथ रहोस
हिमाल झैँ सुन्दर हिरा जस्तो चम्की रहोस,
तिमी हेरी चन्द्रसूर्य मुस्कुराउँन आकाशमा
दु:खले छुन नपाउन रहेसम्म संसारमा ।

फूलमा जस्तै साथ रक्षक काँडा होस सँधै
छेक्न नसकोस् बाटो नदी जस्तै बग सँधै,
आशै फुलोस निराश नहोस जिन्दगीमा
दु:खले छुन नपाउन रहेसम्म संसारमा ।

प्रकाशित मिति : प्रकाशन मिति : सोमबार, 11 फागुन, 2071

लेखकका अन्य रचनाहरु