सुखको पर्याय

- शिव प्रकाश

मात्तिएका यौवनहरु

पात्तिएका जीवनहरु

आधुनिकता भित्र  

यौनका नवीन सँस्करण

घामजूनको पर्वाह छैन

वसन्तको उन्मादलाई जिस्क्याउँदै

छताछुल्ल पोखिन्छन्

सभ्यताको आडम्बर ओढेको

सभ्य शहरभित्र

समय

आधुनिकतको

उत्ताउलो रहरमा रमाइरहेछ छ 

 

आधुनिकताभित्र

जीवनको अर्थ - रोमान्स  

यौन साधनामा समाधिस्थ

रहरलाग्दा युवा युवतीहरु

डरलाग्दा मुद्रामा  

साधनारत

यौवनको राग

फूलको मदमोहकता जस्तै

मादोन्मात

जीवनलाई साँधिरेहछन्

चाखिरहेछन्

जीवनका क्षणीक स्वादहरुमा

सुखानुभूत बाँचिरहेछन् ।

 

सयमले उत्ताउलो रहर बोकेको

आधुनिकताभित्र  

बाँच्नुको पर्याय - सुख !

सुखको पर्याय - सम्भोग !

भोकभन्दा बढी भोग

आवश्यकताभन्दा अझ बढी

रहर बनेको छ

जीवनयापनभित्र जीवनपान

समय नै यस्तो छ

समयको यो उत्ताउलो रहरसँग

मालाई पनि कताकता

मात्तिनँपात्तिन मन लागेको छ  

भोकभन्दा बढी भोग

सुखको पर्याय - सम्भोग !

 

बोस्टन, अमेरिका  

प्रकाशित मिति : प्रकाशन मिति : सोमबार, 30 बैशाख, 2065

लेखकका अन्य रचनाहरु