गजल

- भाष्कर काजी

त्यो ठाउँमा सबैलाई हतार हुन्छ
जहाँ हर चिजको व्यापार हुन्छ /

बा पढाउनुपर्दैन है दु:ख गरेर
पढाई पनि सहजै साभार हुन्छ /

गरिबको दैलोमा बिहानै साहु पुग्छ
धनिको पो दैलोमा अखबार हुन्छ /

सज्जनसंग कलम हुन्छ हतियार
दुर्जनसंग हतियार तरवार हुन्छ /

नेता कहिल्यै एक्लो हुनै सक्तैन
गुण्डा हुन्छन नत्र सरकार हुन्छ /

भगवान र दुष्ट नचिनिने कारण छ
ठाउँ अनुसार यिनको अवतार हुन्छ /

रुँघा ७, रुकुम

प्रकाशित मिति : प्रकाशन मिति : बिहीबार, 26 भाद्र, 2071

लेखकका अन्य रचनाहरु