आमाहरुको अपराध कथा

- ओमप्रसाद घायल

‘आमाहरु सृष्टिका निर्माता
अर्थात आमाहरु प्राणदाता र सन्तानका पालनकर्ता
आमा तीर्थ, आमा पूजा, आमा ईश्वर र आमा मार्गदर्शक’
विषय वा प्रसङ्गले अर्को अर्थ नलागेमा
आमाहरुको वारेमा हामीले बुझेको यही त हो ।

तर,यो आमाहरुको परिभाषा
विवादास्पद भएको छ, हिजोआज
आमाहरु आफ्नै सन्तानको अपराध अभियोगमा
दोषी प्रमाणित भइसकेका छन्, न्यायको कठघरामा यतिखेर ।
किनकि आमाहरुको गर्भबाटै च्यातिएको छ, ममताको आ“चल
र पासोमा सुर्काएर भोलिका अरु आमाहरुको
धमाधम भइरहको छ निर्मम हत्या ।
सायद त्यसैले फेरिएको छ आज – आमाहरुको परिभाषा ।

आमाहरु †
तपाईहरुलाई लागेको यो हत्या अभियोग
तपाई कुन तर्कबाट खण्डन गर्न सक्नुहोला र ?
आमाहरु † तपाईहरुभित्र किन मर्दैछ ममता
किन खाली हु“दैछ मातृत्व ?
किन बढ्दैछ तपाईहरुमा सन्तान विभेदको कुरुप मोह ?
आजकल तपाईहरु
आफ्नै गर्भमा छानीछानी बध गरिएका छोरीहरुप्रति
कुनै पश्चाताप गर्नुहुन्न ।
बरु त्यो अपराधको भागीदार समाजलाई बनाइदिनुहुन्छ सहजै
अनि हाम्रो संस्कृति र परम्परालाई दोषी देखाएर
आफूहरु निश्चिन्त प्रदर्शन गर्नुहुन्छ – ममताको पाखण्ड ।

आमाहरु † आजकल सा“च्चीकै
‘आमा’ शब्दको अपमान भएको छ
‘आमा’ शब्दको बदनाम भएको छ
तपाईहरु मान्न तयार हुनुहोस वा नहुनुहोस यो ‘कटुसत्य’
तर सत्य स“धै सत्य हुन्छ आमाहरु †
आजकल विभेदको अपराध शाखामा
अट्टहास गरिरहेको छ तपाईहरुको मातृवात्सल्य
उदाङ्ग भइसकेको छ तपाईको खोक्रो आदर्श ।

र स“धैस“धै
तपाईहरुको गर्भभित्र चिच्याइरहेको छ
थुपै छोरीहरुको आर्तनाद
‘आमा † आमा †† आमा.... †††
धर्तीमा जन्मन पाउने मेरो अधिकारको रक्षा गर्नुहोस आमा
मलाई पनि जन्मदिनुहोस एउटा छोरा सरह
किनकि मविना कस्तो संसार र कस्तो संस्कारलाई
निरन्तरता दिन सक्नुहुन्छ र तपाई
नया“ सृष्टिका लागि मेरो जन्म पनि
तपाईका अरु छोरासरह आवश्यक छ आमा †
त्यसैले मलाई जन्म दिनुहोस ।’
छोरीहरु यसरीनै विलाप गरिरहेकाछन्
तपाईको गर्भभित्र ।
तर छोरा÷छोरीको विभेदमा अन्धो भएको तपाईको संवेदनाभित्र
रित्तिएको छ ममताको विउ
र मौलाएको छ अपराधको ऐजेरु ।
अनि तपाई आमाहरु नै
दिनदिनै चढाइरहनु भएको छ – अवोध छोरीहरुको वली
र मेटाउ“दैहुनुहन्छ यो संसारबाट भोलिका आमाहरुको अस्तित्व ।
आमाहरु †
यो विभेदको अपराधशालाबाट
तपाईहरु मुक्त हुनुछ भने
अब च्यातीदिनोस यो भ्रमको पट्टी
र खोल्नुहोस न्यायको आ“खा
सृष्टिको नया“ फूलवारीमा रोप्नुछ अर्को ममता र वात्सल्यको फूल
र जारी राख्नुछ सांसारिक जीवनचक्रलाई ।
जसरी देवताविना मन्दिरको अर्थ हु“दैन
त्यसरी नै छोरीविना संसारको अर्थ हु“दैन ।
त्यसैले आमाहरु †
तपाईहरु मुक्त हुनुहोस
स“धैस“धैका निम्ति यो विभेदको अपराधशालाबाट ।
बलेवा, बागलुङ

प्रकाशित मिति : प्रकाशन मिति : बिहीबार, 12 आसाढ, 2071

लेखकका अन्य रचनाहरु