गजल

- भाष्कर काजी

नआउनु, अचेल घरमा हुन्न
म कसैँको पनि भरमा हुन्न ।

कहाँ खोजेको हो त्यसरी ?
ज्यान लिने जहरमा हुन्न ।

आफ्नै, छातीभित्र छाम न
म पराइको शहरमा हुन्न ।

छोडिसकेँ, पालो कुर्न मैले
अब म कुनै लहरमा हुन्न ।

केही गर्ने, जाङ्गरै चल्दैन
पैलेजस्तो खबरमा हुन्न ।

माया लाग्दैन अब, ज्यानको
त्यसैले कुनै डरमा हुन्न ।

भाष्कर काजी
रुँघा ७, रुकुम ,

प्रकाशित मिति : प्रकाशन मिति : शुक्रबार, 5 बैशाख, 2071

लेखकका अन्य रचनाहरु