गजल

- विमला निरौला ढुंगाना

प्रगतिलाई बिदेशीएका नेपालीका काम देखें,
मुटुभरी अभावका पिडाहरुको डाम देखें |

उन्नतिका केहि बाला टिपी घरमा बिस्कुन लाउने,
विश्वासमा उदायको कलिलो त्यो घाम देखें |

इमानदार, परिश्रमी, लगनशील नेपालीले,
मेहनत र पसिनालाई रोपेका ति ठाम देखें |

दिन-रात घोटियर मेसिन रुपी शरीर चल्दा,
रगतको सस्तो मूल्य तिरेको त्यो दाम देखें |

इच्छा मिची, खर्च जोगाई खायको त्यो माम देखें,
सुकी-सुकी बटुलेर पठाएको खाम देखें |

अमेरिका

प्रकाशित मिति : प्रकाशन मिति : शनिवार, 22 चैत्र, 2070

लेखकका अन्य रचनाहरु