गजल

- भाष्कर काजी

पेट खाली भएपछि, भोकको पीडा थाहा हुन्छ
आफन्त चुँडिएपछि शोकको पीडा थाहा हुन्छ ।

रहर होइन, बाद्यता हुन्छ कतिखेर रिस पनि
पागल बनिसकेपछि झोकको पीडा थाहा हुन्छ ।

कोहि चाहँदैन यसै मर्न, जोगी बन्नु परे पनि
सैयामा पुगेपछि बल्ल रोगको पीडा थाहा हुन्छ ।

छोडिदेउ योग्यताका कुरा, यस्तै हुन्छ यहाँ सँधै
बेरोजगार बनेपछि तोकको पीडा थाहा हुन्छ ।

अर्काको लागी बाँच्नुपर्छ, जति दिन बाँचिन्छ
आँशु बग्न थालेपछि लोकको पीडा थाहा हुन्छ ।

कस्तो हो यो कुर्सिपनि, नमस्कारै खोज्छ सँधै
कुर्सि अँघि झुकेपछि ढोगको पीडा थाहा हुन्छ ।

रुँघा ७, रुकुम, नेपाल

प्रकाशित मिति : प्रकाशन मिति : शनिवार, 8 भाद्र, 2070

लेखकका अन्य रचनाहरु